وسُرِقَت الـــ “فكتوريا” 2008.. !

السلام عليكم ورحمة الله وبركاته ..

بما أن ذا الموضوع تبع قسم سوالف ما بعد الساعة 12 فخلنا نسولف عامي .. : )

في يوم من أيام رمضان صليت الفجر رحت لشغلة معينة بعد الصلاة ..

وجيت راجع للبيت .. طبعاً وصلت للبيت <– قل والله .

ويوم وصلت لبقت سيارتي جنب البيت ونزلت ..  <–شي طبيعي يعني بتقعد في السيارة !

وأنا الي أفتح باب البيت وأدخل .. وأنا أمشي بروح لغرفتي فوق .. حسيت أن فيه شي غريب .

أفكر وشو .. وشو .. وشو .. أها .. موتر الوالد الفكتوريا ما شفتها .. غريبة .. موب عادة الوالد يطلع بعد الفجر !

المهم قلت خل اتأكد وأروح لغرفة الوالد والله وألقاه نايم .. قلت بس الموتر مسروق .. بس من قليل الأدب الي فتح باب الكهرب وسرق الموتر !

والله من قواية الوجه بعد .. لو أشوف ذا الي سرقها كان صارت علوم 

ثم تذكرت أن الوالد أمس ما دخل السيارة للبيت ..

 المشكلة ألحين .. كيف أعلم الوالد والوالدة أن السيارة انسرقت أنا أسقط في يدي <–

صحيت الوالدة من النوم أبي أقول وين مفتاح الفكتوريا قلت : وين الفكتوريا .. !

أمي أستغربت وقالت : اجل الموتر موب من داخل ..

أنا شفت أني كبيت العشاء قلت خلاص لازم أعلمها .. قلت : لا موب داخل البيت بس شوفي أخوي يمكن أنه ماخذ الموتر .

اتصلت عليه الوالدة ما رد .. قلت خل أشوف إن كانه بغرفته .. رحت ما حصلته .. ارتحت قلت أكيد هو الي ماخذ الموتر ..

رحت للوالدة أضحك قلت .. : موب فب غرفه أكيد الموتر معه ..

اتصلت عليه الوالدة ورد : وينك .. الموتر معك قال : لا

أنا ..

يا ويلتاه ..

قالت الوالدة : عسى موب انسرق . . عاد أنا جيت بهدي الوضع .. قلت : طيب وإذا انسرق الحمد لله .. <– وش رايكم

وأبوي حفظه الله نايم ..

قلت لأمي لازم نعلم أبوي .. بس وشلون .. !

صحته الوالدة وقالت .. وين مفتاح السيارة .. ؟

قال : نعم ..؟

قالت وين السيارة .. ؟

قال في الشركة يسوون لها صيانة .. عشانها مشت 32 ألف

أنا شوي بموت من الضحك .. مسوي حوسه وزحمة .. وآخرتها السيارة في الصيانة .. هههههههههه

يالله الآن نستخلص الفوائد الجمة من القصة :

1- إذا ما لقيت سيارة أبوك لا تروح تسوي زحمة على طول لا  .. اسأل قبل ..

2- خلك ذهين قبل ما تروح لغرفتك .. سو تفتيش بالبيت يمكن فيه شي غريب <– بس لا تلومني إذا هاوشك أبوك .

الفايدة الثالثة .. انتبهوا لها زين .. وركزوا مرره <– تورط خلصت الفوئد الي عنده

 

أخوكم

همَّال

” شفاك الله يا مــهــنــد”