بسم الله الرحمن الرحيم ..
[ .. مذكرات طالب في دايركت انجلش .. ]
مدري .. يمكن ما تسمى مذكرات .. تقدر تقول سوالف صارت .. أو مواقف .. اجمعها تصير مذكرات .
بأسردها هنا .. عسى أن يكون سردي للتجربة .. مفيد للجميع ..
أما قبل :
أنا طالب في دايركت انجلش ..المستوى السادس ..
أما بعد :
منذ مبطي .. أول ما دخلت للمعهد .. كنت بثاني ثانوي ..
والمشكلة الإنجليزي عندنا بالمدرسة 4 حصص .. يعني يأثر في المعدل التراكمي وبقوة ..
أنا توهقت .. ما أعرف شي بالإنجليزي خير شر ..
ضايقن صدري .. مدري وش أسوي .. مدرسنا في المدرسة فله يسولف .. لكنه ما يجامل في الدرجات .. زاد الطين بلة ..
قلت لأبوي .. السالفة كذا وكذا وكذا ..
قال أبوي .. أجل نسجلك في معهد .. عشان يتعدل وضعك ..
أنا ما أداني الإنجليزي .. لكن انحديت عليه ..,
اتصلت عليهم .. ورحت اتفقد طريق المعهعد قبل لا أروح وأبوي .. <<شدعوه يعني فيه قطاع طريق ..
عرفت وصفه .. وشفته من برى
والله ورحت أشوف المعهد أنا وأبوي ..
وصلت .. وأدور باب المعهد ما حصلته .. بس أشوف لوحته .. وتحت محلات .. !
أدور الباب ما فيه باب .. شوي إلا أشوف شباب معهم شناط عليها شعار المعهد .. ويدخلون يمين مع الحارة ..
قال أبوي شكل الباب ورى .. ورحنا .. وفعلاً صار الباب ورى ,, !
تخيل بيتنا كذا .. والله لأضحك ..,
المهم ..
وقفنا السيارة بمواقف المعهد .. ودخلنا للدور الثاني .. الي فيه المعهد ..
شوي قالبنا واحد .. جثة ماشاء الله عليه .. أنا خفت منه .. هذا أول الخير ..
شوي وأشوفه يعطي أوامر للموجودين .. يالله فصلك .. بدا الدرس ..
صار هذا هو المدير .. ” رحنا فيها ..
المهم .. دخلت .. وعطونا برنت كامل عن نظامهم وطريقتهم ..
اخترنا الدبلوم .. بس مدري كم فلوسه .. صراحة غالي ..
المهم أني رحت أختبر اختبار تحديد مستوى .. “أصلاً فيه مستوى عشان تحدده .. “
وداني واحد للمعم .. ودخلت .. عند ” صخر” << هذا مسؤول المعمل .. بس نقلوه .مدري وين راح له ..
دخلت وشغل لي صخر برنامج الإختبار .. كله خيارات .. سؤال وعليه خيارات ..
وأنا حقرا بقرا قلي عمي عد لعشرة 1 2 3 4 5 6 7 8 9 10 واختر الإجابة ..
صخر يناظرني بعين .. وأحسه يقول .. وشذا الآدمي .. صفر .. ما عنده شي ..
خلصت من الإختبار .. وجت النتيجة طبعاً .. تمهيدي ..
رجعت للإدارة .. وجلست وأبوي .. انتظرهم .. قال يالله الآن مقابلة .. ” والله لوني بأتوظف عندهم .. ذذ
قابلني واحد مدرس .. ما أنساه طول عمري .. وقال لي .. :
أنت بأي صف .. قلت له ثاني ثانوي .. وسألني كم سؤال .. ثم قل ..
اوكي .. عندنا منح مقدمة من السفارة الأمريكية ..
منح .. ! ! ! ..
أنا أخبر منح .. يعني أرض تعطيك اياها الحكومة .. ذذ
ثم تذكرت أن فيه منح دراسية
أنا وقف شعري وقلت له .. .. يعني مجاناً ؟
.. قال : وش فيك ..إيه مجاناً .
قلت طيب وش أسوي ألحين ..قال رح .. وقل للموظف الي جوى المكتب .. سمغت أن فيه عندكم منح .. وودي أقدم عليها .
قلت أخاف يزبد لي .. قال : لا رح ما عليك .. أنا صراحة كنت خايفن أنه يزبد لي .. قمت ورحت لأبوي .. قلت له ..
الرجال الي قابلني قال لي كذ وكذا وكذا .. أبوي قال زين ..
رحت وأبوي ودخلنا على المكتب .. وقال أبوي .. : عندكم منح .. وودنا نقدم عليها .. قال عزام “موظف في الإدارة”:
أي سنة أنت …ومعها كم سؤال .. جاوبنا .. وطلعت الإجابات صح علينا ..
قال هذي الأوراق تعبونها .. خذيت الأوراق وجلست وأبوي .. نشوف وش فيها …
كالعادة الاسم .. واسم الأب والجد والعائلة.. تاريخ الميلاد .. مكان الميلاد .. وأنت ماشي ..
وصلنا لسؤال .. رقم نتصل به عند الحاجة .. وحاطين على ما اظن 4 خانات .. يعني اربع أرقام .. حطيت رقمي .. وأبوي ..
وعمي .. بقى فراغ .. قلت يا ولد حط اسم زوج اختك .. .. ثم تذكرت انه يشتغل في الهيئة .. وقلت لا ..
خاف يدرون أني أعرف أحد في الهيئة ثم ما يقبلوني ..
يمديك على التفكير بس ..
المهم أني ..عدلتها .. وحطيت رقمن ثاني ..
.. بعد ما قرينا الشروط ومدري أيش … سلمنا الورقة وكل شي .. قلنا .. هاه متى نشوف القبول .. قال عزام .. :
روح وبنتصل عليك .. هنا دقني قلبي . . وقلت لا يصير زي الي يدور وظيفة .. بنتصل عليك .. وافلقني يتصلون ..
لأنه إذا قال بنتصل عليك .. يعني مالك مكان .. المهم أني طلعت من المعهد وأبوي .. كان هذا الكلام في رمضان ..
راحت الأيام. وتعيدنا عيد الفطر .. بعد العيد بكم يوم كنت .. وخوي لي .. رايحين لسوق عتيقة .. حق الخضار ..
مدري نسيت وش رايحين تشتري ..
يوم جينا طالعين .. ويرن جوالي .. رقم غجريب .. لاهوب رقم جوال .. ولا هوب رقم بيت ..
أنا تروعت ..
وش ذا الرقم .
نكمل في الجلسة القادمة ..
____________________ تحديث 27 ربيع ثاني 1429
احم احم ..
الصوت واضح .. !
حلو بس ارفع على الصدى شوي ..
لا لا ..
ايوه ..
خلاص كذا تمام ..
وش كنت أقول .. إيه الرقم الغريب الي اتصل علي ..
أنا بصراحة نادر يجيني رقم غريب وطويل .. قمت رديت .. وإلا واحد موب سعودي ..
… : السلام عليكم
أنا: وعليكم السلام
…: أنت فلان الفلاني ..؟
أنا : ايه نعم
… : أنت مقدم على منحة في معهد دايركت انجل …؟
أنا: ايه
… : طيب مبروك تم قبولك .. بس باقي بعض الإجراءات تخلصها وتبدأ الدراسة بداية الفصل الدراسي ..
أنا ما صدقت .. من الفرحة ما قلت له شكراً عشانه بشرني .. ولا قلت له أي شي .. انتظرت إلين خلص كلامه ثم سكر السماعة ..
قمت واتصلت على امي وابوي .. ومافيه أحد أعرفه ما اتصلت عليه ..
رحت أنا وأبوي للمعهد . وخلصنا باقي الأوراق .. وأنا على أعصابي أحتري الدراسة تبدأ
أول مرة في حياتي أشتاق للدراسة ..
والله وجت الدراسة .. وجا يوم السبت أطول يوم في العالم .. سبحان الله ما يخلص بسرعة مدري ليش ..
ورحت للمدرسة الصبح .. و تمر الحصص علي ثقيلة .. أحتري الحصة الأخيرة ..
وجاء العصر ..
وأروح للمعهد بدرس متحمس .. << طبيعي لأني طالب مجتهد ..
وسلمونا الشنط .. فتحت شنطتي .. وألقى فيها سيديات وكتب .. كان مدرسنا فلته من جد ..
ما يحسسك أنه مدرس .. لا.. يحسسك أنه أخوك قبل لا يكون مدرسك ..
والطلاب الي معي .. كنت مسوي ثقل .. وأنا ودي اعرف بس واحد .. لأني مستحيل أجلس ما عرفت أحد ..
أول درس تعارف ومدري أيش ومن هالسوالف ..
شرح المدرس بعض الأساسيلت أرقام وحروف .. يوم انتهى قال .. من يقرأ .. ما أحد رد عليه .. كلهم مستحين ..
قام التفت علي .. وناظرني .. وقال .:
Start
قمت أنا من الربكة .. قمت من الكرسي ووقفت قدامه ..
على بالي مثل البلاستيشن إذا ضغطت ستارات توقف اللعبة .. فثبت في راسي ستارات يعني وقف ..
هو مات من الضحك .. وقال لي .. يعني اقرأ ,
أنا ألوان الطيف .. كلها جت في وجهي .. إحرااااج من جد ..
كالعادة .. نكمل في الجلسة القادمة ..
_________________________13مايو 2008
يقولون .. قد يبتدأ بالنهاية .. وينتهى بالبداية ..
فلعلي سأذكر مواقف علقت في ذهني .. فلا أذكر الجميع بالتسلسل ..
القصة الي بذكرها الحين .. قريب حصلت ..
مرة كنت متحمس .. بروح للمعهد .. والمزاج رايق .. أخذت الشنطة .. وناظرت الجدول .. أشوف أول حصة .. آه حلو ..
يمديني أروح للمعهد وآخذ عصير من الكافتريا .. ثم أخش للفصل ..
رحت للمعهد .. وخشيت الكافتريا على بداية الحصة ..
تأخرت عن الحصة 5 دقايق .. عشان أشرب العصير .. شربته وخلص .. حاسبت نواف << بنقالي يشتغل في الكافتريا ذذ
وأخذت الشنطة .. ورحت للفصل .. ناظرت من بعيد .. وألقى طلاب تختبر .. على طول رجعت .. موب العادة يغيرون الفصل ..
رحت أدور الطلاب مالقيتهم .. لأن فصلنا في طلاب تختبر .. فما دريت وين بيصير مدرسنا والطلاب ..
رجعت أدور ثانية .. وصلت للفصل الي فيه طلاب تختبر .. قلت بخش .. وأسأل الأستاذ عن استاذنا و زملائي ..
فتحت الباب .. وأشوف مدرسنا .. وزملائي يختبرون ..
يا ولد .. وشلون .. أنا مناظر الجدول .. مافيه اختبار اليوم .. << أخوكم مناظر جدول الإسبوع الماضي ..
سويت حالي ثقة .. سلمت وجلست .. وقلت للأستاذ .. أستاذ بالله عطني ورقة الإختبار لأني مستعجل .. ذذ
بديت أناظر الوقة .. وأحل الي عرفت .. بيني وبينكم .. فيه أشياء لوني مذاكر مذاكرة خفيفة بحلها ..
المهم .. لازم اسأل أستاذ عن معنى بعض الأسئلة .. ومستحي .. شلون اسأله .. وهو يعدني ممتاز عنده ..
أخاف اسأله .. وتهتز صورتي عنده .. << يا عيني على الصورة .. ذذ
بقيت ساكت .. والطلاب بدو يسألون الأستاذ عن الي ما عرفوا .. يعني يشرح لهم معنى السؤال ..
الصراحة ما قصروا .. مروا على الأسئلة الي ما عرفتها .. ومن خلال اسئلتهم عرفتها .. ذذ
وسلمت الورقة أول واحد .. وطلعت بدري .. الطلاب طرطعو .. كيف يجي متأخر .. ويطلع أول واحد ..
والله بلاهم ما يدرون وش السالفة .. ما دروا أني ما جبت خبر الإمتحان ..
والحمد لله عدت على خير .. وجبت درجة موب شينة ..
همَّال
“يارب عفوك”
أحرقت أعصابنا..
ما لقيت توقف ألا هنا
بانتظار التكملة ،،
// المهم أني رحت أختبر اختبار تحديد مستوى .. “أصلاً فيه مستوى عشان تحدده .. ” //
هههه انا سجلت عندهم بس قل لهم مايحتاج تحديد مستوي 🙂 عارف مستواي تمهيدي ويخب
شكرا اخوي
سعد ..
وأنا 24 ساعة على النت ..
ولا تزعل بكمل.. صبرك علي ..
🙂
أبو عمر ..
هلابك /.. مبطين عنك .. /
وماله .. التمهيدي بضو حلو .. “خفف المعاناة .. “
ههههههه
اما يوم قال start وقفت هههه
والله موقف أليم هههه
بس وش سالفة المنحة؟ اروح للمدير واقول له والا كيف
وبعدين منحة الى وين ؟
انت مضيفني على الماسنجر بس ما ادري وش كنت تبغاني فيه هههه
أول مرة في حياتي أشتاق للدراسة ..
أرجو أن يستمر هذا الإشتياق إلى نهاية الدراسه..
:: أبو عمر::
هذي فايدة البلايستيشن
بالنسبة للمنحة .. أذكر أنهم اعلنوا عنها مرة ثانية في المعهد
على شكل أوراق معلقة على الجدران .. يعني هم يتعمدون
ما يخلونها أعلان كبير .. لأن لو سوو كذا بيجون العالم كلهم ..
العام الماضي فيتحوها في رمضان .. وكذلك الي قبله ..
والمنحة مقدمة من السفارة الأمريكية .. والدراسة هنا ..
وهم يشترطون أن تكون طالب ثانوي وما تجاوزت 19 سنة
الإضافة عشان كنت أحسبك في نفس المدرسة .. ذذ
شوكرن أبو عمر .. 🙂
هلا سعد ..
شدعوه .. أكيد بيستمر ..
مجتهد طول عمري .. ذذ
لا تصدق عاد ..الله يعينا ونخلص ..
🙂
خخخخخخخخ يا ولد لا تقهرني كمل…
فله قصتك صراحة حسيت إني رحت معك وجيت ; )
ننتظر باقي القصة
بس حللللوووووووه تسارت خخخخخخخخخخخخخخخ والله من الفهاوه 😛
الا اقول
للحين فيه منح؟ الصيف الجاي فيه شي؟
آه لو تجي بين يديني كان اصفقك
كمل يوم تحمست قلت نكمل بعدين آه بس والله انك تبي تقهرنا
طيف ..
المنح .. بصراحة مدري .. هل فيه إلا الآن أو لا ..
بس هم ما يعلنون بالجرايد .. وكذا .. لا ..
تروح تسألهم بالمعهد ..
شكراً لك ..
🙂
مســآئك مغفره يــآرب
بدأية الله يوفقك ويسعدك يــآرب ……….!
أمنيتي أن أعرف مكــآن أقامتك ..!
🙂
اليوم بعد بحث طويل قررت أدا ربي أردا أني أسجل بـ/ معهد دايركت أنجلش …
أتمنى تفيدني عن أسلوب الدراسه وهل هو ممتــآز …
ولك مني كل الشكر والتقدير……..!
امنيــآتي لك أن تتحقق أمنيــآتك …!
مرآآآآحـب آخوي …
انا بنت المتغربلين في دايركت إنجلش فرع البـــنات [طريق الملك عبود] …
وانا في نفس صفكـ الأن [مستوى سادس ]
^_^
ماشاء الله عليكـ وصلت لهذا المستوى ومازلت عايش في الحيـاة ….!!!
آنــــا جاني المرض وحومة التسبد منهمـ ومابقى لي شي وأتخرج من دبلومهم المعفن .. وماصبرني الا الفله والبنــــات اللي معي 🙂
آقسم بالله المعهد حلو من ناحية البرامج ومااقول في كتبهم شي ..
بس خييير يعطونا كاسيت للإستماع هههههههه ماتت العالم اللي تسمع بكاسيت ^^
ماشاء الله عليهم آكاديمية الفيصل يعطونهم CD مو كاسيت الله يفشلهم معهدنـا ..
ملاحظة :
من المستوى الأول الى المستوى السادس والكاسيتات بقراطيسهم
ههههههههههههه
المهــمـ مالكم بالطويلهـ ..
الله يقويكـ ويوفقكـ وتكمل مذكراتك اللي راح تتحول الى روايه كبيرهـ قريباً سوف تنشر بالأسواق … ^_^ لان من طرحك في البدايه باين ان فيه احداث وجرائم صارت لكـ >>> مسويه تحلل الوضع .
تحمست مع مذكراتك وحفظت هالصفحه في مفضلتي المصون علشان ارجع آقرأ التكمله لأحداث فرع العيــــال المؤدبين .
بـرررب
سحاب
أنا من سكان مدينة الرياض ..
بالنسبة للمعهد ..
المعهد من ناحية المناهج ما عليه كلام ممتاز جداً ..
المدرسين على حسب .. يعني أنا ..
المستوى الأول والثاني والثالث .. كانوا مدرسين فلته .. يفهمونك ولو ماودك تفهم ..
المستوى الرابع ابتلينا بمدرس .. ما يعرف يفهم الطالب ..
الخامس .. مدرس صراحة رهيب .. وكذلك السادس درسنا واحد مبدع جداً ..
والحمد لله ..
فمثل ما قلت لك .. المدرسين يتفاوتون في طريقة إيصال المعلومة ..
الأمر الثاني ..
لا تتوقع أنك أو ما تدخل بتصير ترطن على طول ..
بالنسبة لي .. بديت في الكلام وحسيت أني تحسنت واجد في المستوى الثالث ..
وبعدها تبدأ تطور نفسك ..
المعهد يعطيك المفاتيح للغة الإنجليزية .. وأنت تفتح الباب .. وتكمل مشوارك في اللغة ..
.. على فكرة .. ترى المجلس البريطاني يقدم دورات في هذه الصيفية ..
والمجلس معروف من ناحية التدريس .. والمناهج ..
الي يميز المجلس عن معهد دايركت .. أن المجلس جميع مدرسينة من الجنسية البريطانية .. أصل وفصل ..
موب أفريقي ماخذ جنسية ..
أتمنى أن أكون أفدتك .. وأي استفسار أنا موجود ..
🙂
haifa
أهلاً ..
الأشرطة الي يعطونك اياها .. هي أهم شي .. عشان تتحسن مهارة الاستماع
أسمعيها بشكل دائم .. تحصلين على فائدتين :
1- تتحسن مهرة الاستماع عندك
2- ما تنسين الكلمات .. يعني يكون استماعك مراجة للكلمات ..
وأنتي عارفه أن اللغة تعتمد على حفظ الكلمات ..
والمذكرة هذي .. مبالغة إذا قيل أنها بتطلع للسوق..
🙂
بصراحة معهد دايركت انجلش متوسط الكفاءات واذا خلصت منهم وأنت تطلب منهم حق ماطلوك وأنا بصراحة مجرب
وأنا بصراحة أنصح اللي يبي يدرس إنجليزي يروح لأكادمية الفيصل وإذا كان يبي تدريس حلو وسعر حلو يروح لأكادمية الجزيرة
عجل يالغالي بلييييييييييييييييييييييييييييييز
مرحبا …
بالصدفة وانا ادور علي معلومات لمعاهد دايركت انجلش
طلعت لي قصتك …ماشاللة كثير حظك حلووو والاهم انك استفت
حبت اسألك اذا ممكن !!
هل شهاداتهم موثوقة ومعترف فيها ؟؟ وشكـــــــــــرا
وموفق اشاللة
هم تحت إشراف وزارة التربية والتعليم , أتوقع معروفة شهادتهم ,
هلا اخوي .. بالتوفيق ان شاءالله ..
بس حبيت اسألك كيف استفدت ؟؟ والمعهد هو اللي بالسويدي ولا وين ؟؟
لأنه فيه فروع بالرياض ..
والله يوفق الجميع يارب ..
استفدت أكثر شي من الكتاب ومن أستاذ المحادثة ,
ايه الي بالسويدي ,
اسلوبك جدا شدني
الله يعطيك العافية
اتمنى لك التوفيق من كل قلبي
بس التمهيدي ذا كم شهر
وبرنامج اختبار تحديد المستوى وين القاه
التمهيدي عندهم شهر واحد , واختبار تحديد المستوى برضه عندهم على الكمبيوتر , تجلس وتحل اسئلة كلها اختيارات ,
يعطيكـ العاااافية اخوي هماااال والله يوفقك بحيااااتك ,,, انا حااابه اسألكم فيه فرق بين السنه الشااامله اللي معترف فيها من وزااارة التربية والتعليم والا الدبلوووم المعترف فيه من جااامعة الملك سعود ..انا سألتهم قاالوا الفرق بس انو الدبلوم عندهم سااعات قرااامر اكثر مني السنه الشاامله .. اذا احد جرب يقولي لاني والله حااايسه شوي .. ارجو االرد عااجلا
والله ما أدري صراحة ,
مساء الخير
حبيت اعرف هل استفدت منه كتير وحبيت اعرف كمان الى كم مستوى اخذ عشان اجتاز اختبار الجامعات وخاصة ارامكو وشكرا…….
ايه استفدت لأني داخل ما أفهم شي أبد ,
مافيه شي اسمه كم مستوى آخذ عشان أعدي أرامكو ,
هي على جهدك يعني ممكن تكون أفضل من الي في المستوى السادس إذا جهدك أكبر منهم ,
ملاك
السلام عليكم
مشكورين على الافاده
وهل تنصحوني ادخل معهد دايركت
والله هو منهج حلو وممتاز , لكن فرع النساء ما أدري عنهم !
ممكن توضحو لي اسعارهم واذا كان له فروع وش احسن فرع
السلام عليكم شباب
قصتك فله
بس ياااخوي كيف المعهد والله احترت اروح وين العالميه(وخاصه يوم يقولون عن التعليم الفردي بس احس انهم نصابين من يوم ماقالوا ادفع المبلغ كامل) ولاانقلش دايركت ولا الفيصل ولا الجزيره
الأخوان اللي درسوا وين الأفضل؟؟؟؟
ياخوي انا طالبك إذا تعرف من وين اجيب اختبار لفل3 واكون شاكر لك
وانا في انتظار ردك ومشكور
والسلام……..
معهد بابه من وراا خخخخ أعرفه قبال فرعنا النسائي كل يوم وانا رايحه لمعهدي اشوف اللوحه الكبيره حقتكم ومحيرني وين الباب طلع ورا 🙂
انا حاليا في المستوى الثالث واليوم علي اختبار writing وقاعده ادور على قطعه تتحدث عن طريقة اعداد طلخه كله من garmusch الله لايعيده من طباخ << فاشله بالطبخ انا
بالتوفيق you and me
يعطيك الف عافية على الموووضوووع الحلوو يا عسسسسل
وربي ما قصرت وانا ما سجلت الا عشاااانك يا عسل
انا الحين بتاني تنوي وودي بمنحه دراسية
لووتفيدوونني جزاكم الله الف خير
اخووكم ثامر الزهراني
KING–T@HOTMAIL.COM
THANKYOU
مشكور اخوي على الافاده وانا في المعهد من التمهيدي الى المستوى الثالث الان انا فيه والمعهد حلو من ناحيه التدريس كثير كثير وحابب اخبر اني درست عند الاكاديميه ولاعجبتني ولا معهد بير ليتز مايسون نص تعليم دايركت انجلش
موعشان دعايه ولا شي بس هذي وجهة نظري من حيث دراستي فيه وجابب اذكر ان فيه 3حصص في الاسبوع تقريبا تتكلم فيها انجليزي مع مدرسين بلغتهم الام وانا او ما ادخل اسلم وبعدها ساعه كامله اتكلم معه انجليزي
وهذا الكلام كله في فرع الاحساء-شارع الظهران
في انتظار الأكمال
مع تحياتي..
سسسلام عليكم
صار لي اسبوع في المعهد
على حساب الجميح لمرطبات ..
درست حاسب .. لمدة اسبوع .. روؤس أقلام لـ is3
اممم الانجليزي اختبروني على الجهاز طلعت المستوى الأول .. يوم جت المقابله حطوني المهيدي ..
المستوى الأول ببلاش .. الله يخلك يالجميح ..
الظاهر اني بكمل فيه وعلى حسابي ..
لأن الجميح دافع لنا مستوى واحد ..
دمتم بود ومشكور على الطرح الرائع اللي شد القراء و اجبرهم يشاكوك الموضوع
اخوك النمسيس
المعهد اللي انا فيه اللي في التخصصي ..
ماشاء الله موفق يا غالي ,
صبآح الخييير
(فيس كآن يدور معلومات عن الدايركت انقلش )
مرآ استمتعت بقصتك ض5
عوآفي
الله يعافيك , 😀
اخر رد
لهمال
قبل سنة وثلاث شهور
عسى المانع خير
ارجو الرد على الاسئلة اعلاه
شكراً لك ,
هل أنت الان متخرج او طالب
أنا الآن طالب جامعي , ومتخرج من دايركت انجلش ,
والله وانا الي حايس الدنيا وابي اتعلم انكليزي والله أني اقرا موضوعك لي يمكن ساعة وشوي بس ابي نصيحتك وانا اخوك واله انا ابي اتعلم لغة الانكليزية وانا الحين بعد في ثاني ثانوي بس تنصحني ادش الحين دايركت انكلش وكيف تعليمهم حلووووو … والله متشوق … انتظر ردك … طلبه وانا اخوك …
شوف يا غالي ,
نصيحتي لك تتعلم حبة حبة , مشكلتنا نستعجل النتايج ,
نبي نتكلم بسرعة ونبي كل شي يجي على طول بدون جهد ,
ما أبي اتفلسف لكن هذا الصدق , دايركت مناهجهم حلوة مرة وممتازة لكن المدرسين أنت وحظك , لكن جربهم أو جرب المجلس البريطاني بحي السفارات أفضل من دايركت وأساتذتهم بريطانيين أصل ,
حبيت يــآلغالي اسألك … انا مسجل .. وحاطيني بالمستوى ثاني باختبار المعمل .. وبعدين بالاول في اختبار المحادثة .. بس يـآلغــآلي انا عمري 15 .. والمشكلة ان الفصل الي انا مسجل فيه من 14 الى 25
تتوقع هذا يأثر من ناحية الصداقات ؟ ..
قل امييين
الله يووووسع صدرك بالعافيه ، أجـل ستارت !
* تدويناتك لا توقّف 🙂
انا هــلأ داخلة دايركت انجلش ..
اول وتاني لفل كانو جدا تاافهين ما استفدت ولا شي وتمنيت اني ما دخلت
بس بــ لفل 3 استفدت بشكل كبيييير
وانصح الجميع بالدخول لأنو هلأ كل شي بيتطلب لغة انجليزية
^_^
ثاانكس فور يووو
تدوينات توسع الصدر ب جد 🙂
بكره أول دوام لي في المعهد إن شاء الله
و ربنا يوفق 😦
س : للحين تدرس في المعهد ؟
و هل أستفدت حاجات كثيره ؟
قل آمين
الله يسسسسسعدك يآرب
من جد توسع الصدر
حسيت اني معآك بالمعهد خآصة يوم قالك ابدآ ^_^
بس حآبه اسألك انا نفسي ادخل معهد بالأجآزه
يعني اقضي وقت
ومستوآي بالأنقلش اممممم متوسط او اقل
والمشكله انا ادرس حآسب وكل شي بالأنقلش
تنصحني ادخل المعهد ولا لا .؟!
سلام عليكم …. اخووي شكلك كاتب قصتك من سنتين با الموقع وانا توني ادخل واشووفه صراحه تحمس لقصتك والمعهد >> مره متاخره .. ليه ما كملت االسالفه ؟
تجربة
ما شاء الله عليك…
حمآس الله زيدك أخوي..
أنآ دخلت فيه دبلومآ..مآ أحس شرح المدرسه حلو..لأنهآ تعتمد في شرحهآ ع مستوى المتلقيآت تخيل يكون بيننآ الممرضه طآلبآت مستوى ثآني وسآدس جآمعه انقلش .. بالله كيف نفهم يالي مثل حاالتي والمشكله شرحههم الان وأنآ طالبه بمستوى ثااني متوووسط لأبعد الحدود ….بجد حماااااسي الي كان في بدآية تسجيلي انطفأ كرهت المعهد ابي اتركه نفسيتي اكس امتحانااتي اكس المشكلة مآ أقدر أجل … ولآ اقدر انسحب… يااارب يسر لي وألهمني الحمآس من لدنك.
همآآآل اخوي لاتوقف..
انا الحين قدمت في جامعة الامير محمد بن فهد
وانصرعت يوم شفت الخلق كلهم يسولفون انجليزي
وانا بس كم كلمه.. ونقعتهم وشربت مويتهم
المهم..
الحين انا بالدمام..
اسجل بالمعهد البريطاني والا دآيركت انجلش..؟
انا صفر بالانجليزي
ابي رآيكم..
نصيحتي لك..< رح وجرب آسبوع بـ دآيركت انقلش..!
^ شف اذا عجبك الوضع < المعلم وكذآ..سسجل..~
بالتوفيق.~
انا سجلت في المعهد عملولي تحديد مستوى طلعت المستوى الثاني
اعطوني 4 كتب 2 cd
الكتب اغلبيتها تعتمد على المحادثة مناهجهم جيدة و ممتازة
كتاب قواعد
كتاب محادثات
كتاب استماع
كتاب قراءة
قالولي
مدرسين عربين بدرسوك اول فترتين
و الفترة الاخيرة بدرسني مدرس اجنبي
غدا اول يوم لي في معهد دايركت انجلش